Պրոֆեսիոնալ Զբոսավարների Հայկական Ասոցիացիան “Զբոսաշրջության Զարգացման Նախագծեր” ՍՊԸ-ի հետ համատեղ իրականացնում է “Պրոֆեսիոնալ զբոսավարների պատրաստման” դասընթացներ։

Դասընթացներին կարող են մասնակցել բարձրագույն կրթություն կամ համապատասխան աշխատանքային ստաժ ունեցող անձինք՝ առանց տարիքային և գենդերային սահմանափակման։

Դասընթացների տևողությունը 5 ամիս է։ Շաբաթական 4 օր, երեկոյան ժամերի, օրական 2-2,5 ժամ տևողությամբ։

Դասընթացը բաղկացած է տեսական և գործնական մասերից։ Տեսական առարկաները դասավանդվում են առցանց՝ zoom հարթակի միջոցով, իսկ գործնական պարապմունքները կազմակերպվում են տեղում՝ լսարանում, քաղաքային միջավայրում կամ բնության մեջ։ Գործնական դասերի ժամանակ խստորեն պահպանվում են հակահամաճարակային բոլոր կանոնները։

Մեր դասընթացների ընթացքում դասավանդում են ԳԱԱ անդամ-մասնագետներ, ինչպես նաև արտերկրում և Հայաստանում վերապատրաստված, որակավորում ստացած ասոցիացիայի անդամ պրոֆեսիոնալ թրեյներներ։

Դասավանդվող տեսական առարկաների ցանկ՝
Հայոց պատմություն
Արցախի հիմնախնդիր
Ճարտարապետություն
Աշխարհագրություն
Երկրաբանություն
Բնագիտություն/ կենսաբանություն
Դիցաբանություն
ՀԱԵ պատմություն
Խաչքարագիտություն
Մանրանկարչություն/ ձեռագրեր
Որմնանկարչություն
Վիմագրություն
Տնտեսություն
Ժողովրդագրություն
Տարազ/ գորգագործություն
Հայկական խոհանոց
Գինեգործության պատմություն
Հայկական պարարվեստ
Հայկական երգարվեստ / նոտագրություն / Կոմիտաս
Առաջին բուժօգնություն
Արտակարգ իրավիճակներ
Զբոսաշրջության հոգեբանություն
Բիզնես հմտություններ/ մարքեթինգ
Ակտիվ տուրիզմ
Զբոսաշրջության մասին օրենք
Զբոսավարի էթիկա
Միջմշակութային հաղորդակցություն
Խոսքի մշակույթ

և այլն

Գործնական պարապմունքներ՝
Հաղորդակցման հմտություններ
Խմբի դինամիկա
Աշխատանքային էթիկա
Խմբի կառավարում
Էքսկուրսիաների կազմակերպում և անցկացում
Էքսկուրսիայի պլանավորում
Դիրքավորման և ներկայացման հմտություններ
Էքսկուրսիայի կազմակերպում մշակութային վայրում
Էքսկուրսիայի կազմակերպում կրոնական վայրում
Էքսկուրսիայի կազմակերպում քաղաքում
Էքսկուրսիայի կազմակերպում տրանսպորտի մեջ
Կոնֆլիկտային իրավիճակների կառավարում
Հարաբերություններ գործընկերների հետ

 

և այլն։

Դասընթացների մասնակիցներին տրվում է մասնակցության վկայական։

Դասընթացները բարձր առաջադիմությամբ ավարտած մասնակիցներին տրվում է հնարավորություն՝ անդամակցելու Պրոֆեսիոնալ Զբոսավարների Հայկական Ասոցիացիային, օգտվելու ասոցիացիայի ծրագրերից, ունենալու փորձի փոխանակում աշխատաշուկայում տարիների փորձ ունեցող գործընկերների հետ, ինչպես նաև անցնել աշխատանքի մեր գործընկեր կազմակերպություններում։

 

Դասընթացի ընդհանուր արժեքն է 250․000 ՀՀ դրամ, որը ներառում է բոլոր տեսական և գործնական առարկաները, դասընթացների ընթացքում առկա բոլոր էքսկուրսիաները, էքսկուրսիաների ընթացքում տրանսպորտային և սննդի ծախսերը, զբոսավարների ծառայությունները, մուտքի տոմսերն ու այլ ծախսեր՝ նախատեսված ըստ ծրագրի։

Դասընթացի մասնակցության հայտադիմումը կարող եք լրացնել մինչև ս․թ․ փետրվարի 25-ը ներառյալ ՝ սեղմելով այստեղ։

Դասընթացների մեկնարկը ս․թ․ մարտի 1-ին։

Հարցերի դեպքում կարող եք զանգահարել 055227840 հեռախոսահամարին, կամ գրել մեզ info@guides.am էլ հասցեին կամ մեր ֆեսյբուքյան էջին։